სვანეთინიუსი 22.08.2019

მესტიის მუნიციპალიტეტის სოფელ ცხუმარში საჯარო სკოლა გაქურდეს

19.07.2018 17:59

ამის შესახებ ადგილობრივებმა მას შემდეგ შეიტყვეს, როცა გარკვეული საბუთების გასაგზავნად სკოლის კომპიუტერი დასჭირდათ.

როგორც მესტიის მუნციპალიტეტის მერის წარმომადგენელი, ცხუმარის ტერიტორიულ ერთეულში თამაზ სუბელიანი ამბობს, ადგილზე მისულებს სკოლის კარი გატეხილი დახვდათ.

„გუშინ დილით, როცა კომპიუტერი საბუთების გასაგზავნად დაგვჭირდა, სკოლის კარი გატეხილი დაგვხვდა, შესულებმა აღმოვაჩინეთ, რომ სკოლის ძირითადი კომპიუტერი  წაღებული იყო. არ ვიცი ვინ არიან დამნაშავეები, ადგილობრივები თუ სხვა, თუმცა დანაშაულის ადგილზე სავარაუდო ქურდებმა დატოვეს ჩაქუჩი და სხვა სამუშაო იარაღები, საიდანაც სამართალდამცავებმა აიღეს თითის ანაბეჭდები“-ამბობს თამაზ სუბელიანი.

მისივე თქმით სამართალდამცავებმა  დეტალურად შეამოწმეს დანაშაულის ადგილი და ატარებენ სამძებრო ღონისძიებებს.

GE EN RU