სვანეთინიუსი 18.08.2019

ცხუმარში მტაცებელი ცხოველების მიერ შინაურ პირუტყვზე თავდასხმა გრძელდება

16.07.2018 17:20

ბოლო დღეების განმავლობაში სოფელ ცხუმარში გარეული მტაცებლების მიერ უკვე ცამეტი მსხვილფეხა პირუტყვია დაგლიჯილი. ადგილობრივები შეშფოთებულები არიან იმის გამოც, რომ პირუტყვზე თავდასხმა საცხოვრებელ სახლებთან ახლოს ხდება. როგორც სოფელი ცხუმარის მკვიდრი, ნათელა გუგუსიანი ამბობს, ერთ ოჯახს პირუტყვი მტაცებელმა ცხოველმა სახლიდან დაახლოებით 50 მეტრის რადიუსში დაუგლიჯა.

„ჩვენთან დამონტაჟებულია გარე განათებები, მაგრამ ეს ნათურები წვიმას ვერ უძლებს და უმეტესობა გადამწვარია. სოფელში არც დიდი ძაღლები გვყავს და არც იარაღი გვაქვს, რომ მტაცებელ ცხოველებს რაიმე სახის წინააღმდეგობა გავუწიოთ“-ამბობს ნათელა გუგუსიანი.

შეგახსენებთ, რომ გარეული მტაცებელი ცხოველების მიერ შინაურ მსხვილფეხა პირუტყვზე თავდასხმა უკვე ერთი კვირაა გრძელდება. მოსახლეობა მთავრობის წარმომადგენლებისგან გარე განათებების შეკეთებასა და მტაცებელი ცხოველების სალიკვიდაციო დევნაში ხეშეწყობას ითხოვს.

GE EN RU