სვანეთინიუსი 20.10.2019

ერთი კვირის წინ ჭუბერში მომხდარი სტიქიის გამო ტურისტები სვანეთის სასტუმროებში ჯავშანს ინტენსიურად აუქმებენ

13.07.2018 17:14

 სვანეთში  სასტუმროების, ჰოსტელებისა და სასტუმრო-სახლების მეპატრონეები ჩივიან, რომ ტურისტები მათთან ჯავშანს ჭუბერის სტიქიის შემდეგ ინტენსიურად აუქმებენ. მათი თქმით ტურისტებს არ აქვთ ინფორმაცია, რომ ამ დროისათვის სვანეთის არც ერთ სოფელში სტიქია არ არის.

სასტუმრო „დაელის“ მენეჯერის, გიორგი შონიას თქმით რამდენიმე დღიანი სტიქია მართლაც იყო სვანეთიის ერთ-ერთ სოფელში- ჭუბერში, მთავარი გზიდან რამდენიმე კილომეტრში, ახლა  კი იქაც სიმშვიდეა.

"უცხოელ ტურისტებს მივმართავ, რომ პანიკის საფუძველი არ არსებობს, მესტიის მიმართულებით გადაადგილება არის უსაფრთხო, ასე რომ ტურისტებს შეუძლიათ მშვიდად ესტუმრონ სვანეთის რეგიონს და დატკბნენ აქაური სილამაზით"-ამბობს სასტუმროს მენეჯერი.

შეგახსენებთ, რომ მესტიის მუნიციპალიტეტის სოფელ ჭუბერში სტიქია 5 ივლისს, გამთენიისას მოხდა, რა დროსაც მეწყერის ჩამოწოლის შედეგად მდინარე ნენსკრა ადიდდა. ამ დროისათვის კი დგილზე სარეაბილიტაციო სამუშაოები მიმდინარეობს და საფრხე არავის ემუქრება.

 იხილეთ ჩვენი სიუჟეტი

https://www.facebook.com/svanetinews.ge/videos/1379977118826706/?hc_ref=ARS_tiDdA9C8sCeaeseK9nxl3qRy4DlqyhBlDhhizF3ePjrmzdq2jAsPKcqu6VIT5_M

 

 

GE EN RU