სოფელი ჭუბერის მოსახლეობისთვის საკვები პროდუქტების დარიგება ხვალისთვის იგეგმება.
მესტიის მუნიციპალიტეტის ზედამხედველობის სამსახურის
ინფორმაციით სულ 21 ოჯახია დაზარალებული, აქიდან
8 ოჯახი მძიმე კატეგორიას მიეკუთვნება, რადგან მათ დაკარგეს როგორც დამხმარე შენობა
ნაგებობები, ასევე სამეურნეო მიწის ნაკვეთები. დაეხოცათ შინაური პირუტყვიც. შესაბამისად
პირველად დახმარება სწორედ ამ ოჯახებს გაეწიათ.
სტიქიისგან დაზარალებულ მოსახლეობას საყოფაცხოვრებო ნივთები, საკვები პროდუქტები და მედიკამენტები თბილისის მუნიციპალიტეტებიდანაც გაუგზავნეს.
სტიქიის შედეგად დაზარალებულებს დახმარება რამდენიმე კერძო კომპანიამაც გაუწია. ჭუბერლების დასახმარებლად სხვა და სხვა აქტივობებში ჩართული არიან მოქალაქეებიც.