სვანეთინიუსი 14.11.2019

მოხალისეთა ჯგუფი დასახმარებლად თბილისიდან ჭუბერში ჩავიდა

08.07.2018 20:10

"ქართული ოცნების“ ახალგაზრდული ორგანიზაციის წევრები და მოხალისეები სტიქიის შედეგად დაზარალებული ოჯახების დასახმარებლად თბილისიდან ჭუბერში ჩავიდნენ. ახალგაზრდები აქტიურად ჩაერთვნენ მდინარე ნენსკრას კალაპოტიდან გადმოსვლის შედეგად დატოვებული ხეებისა და ქვა-ღორღის გასუფთავების პროცესში.


"ჩვენ ჩამოვედით სოფელ ჭუბერში და მოსახლეობას, რომელსაც სტიქიამ მნიშვნელოვანი ზარალი მიაყენა, ვცდილობთ, რომ შეძლებისდაგვარად დავეხმაროთ. ეს არ არის რაიმე პოლიტიკური ტიპის აქტივობა. ეს არის სამოქალაქო ახალგაზრდული აქტივობა და ძალიან გაგვიხარდება თითოეული იმ ადამიანის ნახვა, ვისაც ექნება სურვილი, ჩვენთან ერთად ჩაერთოს სტიქიის სალიკვიდაციო სამუშაობში“, – განაცხადა „ქართული ოცნების“ ახალგაზრდული ორგანიზაციის თავმჯდომარემ- გიორგი ჩაკვეტაძემ.

მისივე განცხადებით  თბილისიდან ჭუბერის მიმართულებით მოხალისეთა ჯგუფები მომდევნო დღეებშიც გაემგზავრებიან და სტიქიის შედეგად დაზარალებულებს იმ დრომდე დაეხმარებიან, ვიდრე ამის საჭიროება იქნება.

თემები:
GE EN RU