თბილისის გრან პრის მე-2 დღეც მასპინძელთათვის კარგად დაიწყო. 73 კგ-მდე წონით კატეგორიის ფინალში ლაშა შავდათუაშვილი ფრიდონ გიგანს დაუპირისპირდა და ვაზარის კვალად, მეტოქეს 3 შიდო მიაღებინა. ამგვარად, თბილისური ტურნირზე ვაჟთა შორის 3 წონა მიილია და სამივეში ოქროს მედალი საქართველოს დარჩა. ფინალამდე ორივე ჩვენებურმა 4 გამარჯვება იზეიმა. შავდათუაშვილმა საწყის წრეებში სომეხი არსენ გაზარიანი და იტალიელი ჯიოვანი ესპოზიტო დამატებით დროებში დააიპონა, მეოთხედფინალსა და ნახევარფინალში კი, შესაბამისად, შვეიცარიელ ნილს სტამპსა და ჰოლანდიელ სემ ვან ტ ვესტენდეს, ორიოდ წუთში მოუთავა საქმე.ამავე წონაში ბრინჯაოს მედლისთვის ბრძოლის შანსი ჰქონდა ომარ ნიაზაშვილს, თუმცა, მან რეპეშაჟში ხსენებულ სტამპთან წააგო. მანამდე, ქართველმა ძიუდოისტმა ბელგიელი დირკ ვან ტიჩელტი და ირანელი მეჰრად სეიედ ზამანი დაჯაბნა, მეოთხედფინალში კი აღნიშნულ ვან ტ ვესტენდესთან დამარცხდა. კიდევ ერთმა ჩვენებურმა ზვიად კაპანაძემ პირველიბე ორთაბრძოლა დათმო სომეხ ფერდინანდ კარაპეტიანთან.